Jetisý oblysynda bilim bóliminiń esepshisi qarjy jymqyrdy degen kúdikke ilindi

<p>Jetisý oblysynyń prokýratýrasy bıýdjet qarajatyn jymqyrý faktilerin<strong> </strong>tekserip jatyr, dep habarlaıdy oblystyq prokýratýranyń <a href="https://www.gov.kz/memleket/entities/prokuratura-zhetysu/press/news/details/698389?lang=kk" target="_blank" rel="noopener">baspasóz</a> qyzmeti.</p>

Máselen, Jetisý oblysy Kerbulaq aýdanynyń bilim bóliminiń esepshisi muǵalimderge jalaqy men demalys aqysyn joǵarylatyp zańsyz tólep, sondaı-aq múldem jumys istemeıtin adamdarǵa 34 mıllıon teńge jalaqy tólep, bıýdjet qarajatyn jymqyrdy degen kúdikke ilindi.

Ekinshi bir jaǵdaıda Sarqan aýdanynyń ákimdigi týrıstik oryndardaǵy ornatylmaǵan sanıtarlyq-gıgıenalyq toraptar úshin 29 mıllıon teńgeden astam aqsha tólegen.

Osy faktiler boıynsha Jetisý oblysy prokýratýrasynyń Sotqa deıingi tergep-tekserý basqarmasy Qylmystyq kodekstiń 189-babynyń 4-bóliginiń 2-tarmaǵy (erekshe iri kólemdegi jymqyrý ) boıynsha sotqa deıingi tergep-tekserýdi bastady.

«Bul baptyń sanktsııasynda belgili bir laýazymdardy atqarýǵa nemese belgili bir qyzmetpen aınalysýǵa tyıym sala otyryp, 12 jylǵa deıin bas bostandyǵynan aıyrý jazasy qarastyrylǵan»,-delingen Jetisý oblystyq prokýratýrasynyń baspasóz qyzmeti taratqan aqparatta.