Jetisý oblysynda bekire aýlaǵan brakoner sottaldy

<p>Jetisý oblysynda Qyzyl kitapqa engen bekire tuqymdas balyq túrin aýlaǵan brakoner 3 jylǵa sottaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Qyrkúıek aıynda Qaratal aýdanynyń polıtsııasy BMW X5 kóligin toqtatyp, teksergen kezde zańsyz aýlanǵan balyq túrin tapqan bolatyn. 43 jastaǵy azamat balyqty Qaratal ózeninen aýlaǵanyn aıtyp, aqtalǵan. Alaıda, bekire tuqymdas balyq túrin aýlaýǵa tıym salynǵandyqtan, tártip saqshylary ónimdi tárkilep, saraptamaǵa jiberedi.

«Saraptama balyqtyń bekire tuqymdas balyq ekenin rastady.Tárkilengen balyqtardyń biri Qazaqstan Respýblıkasynyń Qyzyl kitabyna engen bolyp shyqty. Er adam oblys ortalyǵynyń turǵyny. Shyǵyn shamamen 3 mln teńgeni qurady. Tergeý materıaldary aýdandyq sotta qaraldy», – dedi Jetisý oblysy Polıtsııa departamenti Tabıǵatty qorǵaý polıtsııasynyń basshysy Baǵlan Rymjanov.

Qaratal aýdandyq sotynyń sheshimimen kúdikti Qylmystyq kodekstiń 335 baby 3 bóligi boıynsha kináli dep tanylyp, úsh jylǵa bostandyǵy shekteldi.

Endi sottalǵan brakoner 3 mln teńgeden astam materıaldyq zalaldy jáne sot shyǵyndaryn da tóleıdi.