Jetisý oblysynda Aşybulaq sý qoımasynan zańsyz balyq aýlaǵandar ustaldy
15:20, 15 Qazan 2024
<p>TALDYQORǴAN. KAZINFORM- Jetisý oblysy polıtsııa departamenti Tabıǵatty qorǵaý polıtsııasynyń qyzmetkerleri Jetisý oblysynyń tabıǵı resýrstar jáne tabıǵatty paıdalanýdy retteý basqarmasy»nyń «Janýarlar dúnıesin qorǵaý jónindegi jedel qyzmetimen birlesip ótkizgen reıdtik is-sharalar barysynda, Eskeldi aýdany Aşybulaq sý qoımasynan zańsyz balyq aýlaǵan eki azamat ustaldy.</p>
Oblystyq polıtsııa departamentiniń jarııalaǵan málimetine súıensek ustalǵan azamattardyń biri 62 de ekinshisi 31 jasta. Quzyrly organ ókilderi brokonerlerdi sol jerden ustap, olardan zattaı dáleldemeler retinde: 25 balyq, tor jáne úrlemeli qaıyq tárkilegen.
Polıtsııa zańsyz balyq resýrstaryn aýlaǵany úshin qylmystyq jaýapkershilik kózdelgenin eske salady. Atalǵan derek boıynsha sotqa deıingi tergeý bastaldy.
Eske sala keteıik buǵan deıin Jetisý oblysndaǵy Qyzyltas petroglıfteri memleket qorǵaýyna alynǵany týraly jazǵanbyz.