Jetisý oblysynda 7 dárihanany zańsyz teksergen polıtseıler jaýapqa tartyldy

<p>Jetisý oblysynyń polıtsııa qyzmetkerleri kásipkerlerge qatysty tekserý júrgizýge moratorıı jarııalanǵanyna qaramastan, tıisti aktini engizbeı, Taldyqorǵan qalasy men Eskeldi aýdanynyń 7 dárihanasyn teksergen.</p>

Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.

Óz áreketteriniń zańsyzdyǵyna qaramaı, polıtsııa atalǵan kásipkerlerge qatysty ákimshilik quqyq buzýshylyqtary týraly materıaldar jınaǵan (dári-dármekterdi retseptsiz bosatý) jáne farmatsevtıkalyq baqylaý salasyndaǵy ýákiletti organǵa joldaǵan.

Prokýrorlyq qadaǵalaý aktisi boıynsha is-qımyldardyń zańsyzdyǵyn eskere otyryp, tekserý is-sharalary zańsyz, al olardyń nátıjeleri jaramsyz dep tanyldy.

Kináli polıtseıler tártiptik jaýapqa tartyldy.