Jetisý oblysynda 555 áıel jatyr moıyny obyry aýrýymen esepte tur

<p>TALDYQORǴAN.KAZINFORM &ndash; Byltyr Jetisý oblysynda jatyr moıny obyry dertine shaldyqqan 62 naýqas jańadan esepke alynǵan. Olardyń 26-sy skrınıng arqyly, qalǵandary medıtsınalyq mekemelerge shaǵymdaný kezinde anyqtalǵan.&nbsp; Jalpy oblys boıynsha osy dertpen aýyrǵandardyń sany 555 naýqasqa jetken.</p>

Jetisý oblystyq kópsalaly klınıka dırektorynyń orynbasary Gúlaıym Orazbekovanyń aıtýynsha, óńirdegi jatyr moıyny obyrymen aýyratyn naýqastyń eń tómengi jasy - 22 jasta eken. Maman jatyr moıny obyrynyń aldyn alý úshin ýaqtyly tekserilýge jáne skrınıngty nazardan tys qaldyrmaýǵa shaqyrady.

– Skrınıngtiń arqasynda aýrýdy erte satysynda anyqtaýǵa, tıimdi emdeý sharalaryn qabyldaýǵa jáne aýrýdy týdyrmaýǵa bolady. Ótken jyly tekserýden ótýge tıis 26 903 áıeldiń 26 291-i josparly skrınıngten ótti. Kelýshiler sany 98 paıyzǵa jýyqtady. Sonyń arqasynda 26 áıelde jatyr moıny obyry erte satysynda anyqtaldy. Skrınıng baǵdarlamasy boıynsha 600 áıelde qaterli isikke deıingi patologııalar tabyldy. Bul kezeńde barlyq áıelder emdeledi, jáne tolyq qalpyna kelgenge deıin 1 jyl boıy mamandardyń baqylaýynda bolady, - deıdi Jetisý oblystyq kópsalaly klınıka dırektorynyń orynbasary Gúlaıym Orazbekova.