Jetisý oblysynda 2,5 mln teńge alıment tólemeı júrgen áke 1 jylǵa bas bostandyǵynan aıyryldy

<p>TALDYQORǴAN. KAZINFORM &ndash; Jetisý oblysynda alıment tólemegen zańdy óreskel buzýshy boryshker sottaldy. Bul týraly Jetisý oblysynyń prokýratýrasy málim etti.&nbsp;</p>

«Sot úkimimen boryshker «T» kámeletke tolmaǵan eki balasyn asyraý úshin alıment tóleý jónindegi mindetterin úsh jyl boıy oryndamaǵandyqtan 1 jyl merzimge bas bostandyǵynnan aıyryldy. Onyń alıment boıynsha bereshekteri 2,5 mln teńgeden asyp, bul kámeletke tolmaǵan balalardy asyraýda materıaldyq qıyndyqtarǵa ákeldi», — delingen habarlamada.

Prokýratýranyń qadaǵalaý aktisi negizinde oǵan qatysty QR Qylmystyq kodeksiniń 139-baby (Balalaryn kútip-baǵýǵa arnalǵan qarajatty tóleý jónindegi mindetterdi oryndamaý) boıynsha sotqa deıingi tergep-tekserý isi júrgizilip, sotqa joldandy.

Taǵy bir jaǵdaıda, boryshker «M»-ǵa qatysty isi sot talqylaýy barysynda 1 mln teńge kólemindegi qaryzyn tolyq óteýine baılanysty sotpen toqtatyldy.

Oblystyq prokýratýra alıment tólemegeni úshin ákimshilik jáne qylmystyq jaýapkershilik, sondaı-aq 2 jylǵa deıin bas bostandyǵynan aıyrý jazasy kózdelgenin eskertedi.

Balalarǵa qamqorlyq jasaý — ata-ananyń basty mindeti!