Jetisý oblysynda 20 mıllıonynshy bolyp týǵan balanyń esimi Aısultan dep qoıyldy

<p>Búgin elimizdiń 20 mıllıonynshy turǵyny dúnıege keldi. Ataýly sátpen Prezıdent Qasym-Jomart Toqaev <a href="https://kaz.inform.kz/news/prezident-kazakstan-halki-saninin-20-mln-ga-zhetumen-kuttiktadi-1552a8/" target="_blank" rel="noopener">quttyqtady</a>. Birneshe oblysta kindigi kesilgen sábılerdiń qatarynda taldyqorǵandyq bóbek te bar, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

14 qarasha kúni tańǵy saǵat 08:00 shamasynda jaryq dúnıe esigin ashqan sábı elimizdiń 20 mıllıonynshy turǵynynyń biri boldy. Sábıge Aısultan degen esim berildi. Kishkentaı Aısultan Ázimbaevtar áýletindegi 4-bala eken.

«Sabdenbaı Aısultan Muhtaruly 14 qarashada, tańǵy 8-der shamasynda dúnıege keldi. Otbasyndaǵy 4-bala. Anasy Ázimbaeva Dıana Talǵatqyzy 1996 jyly týǵan. Al Ákesi Ázimbaev Muhtar Sabdenuly 1989 jylǵy. Náresteniń ata-anasy Taldyqorǵan qalasynda turady. 3 keli, 50 santımetr bolyp dúnıege esigin ashqan batyrdyń búgin jaǵdaıy jaqsy», - dedi Taldyqorǵandaǵy oblystyq perzenthananyń bas dárigeri Qanat Qalıhanuly.