Jetisý oblysynda 18 sarbaz pnevmonııa dıagnozymen aýrýhanaǵa tústi

<p>TALDYQORǴAN. KAZINFORM &mdash; Keshe Taldyqorǵan qalasyndaǵy 18404 áskerı bóliminen 18 sarbaz áskerı gospıtalǵa jatqyzyldy. Onyń ishinde bireýi qazir oblystyq aýrýhanada em alyp jatyr.</p>

18404 áskerı bóliminen gospıtalǵa jatqyzylǵandardyń bári jýyrda ǵana ásker sapyna alynǵan jastar. Olardyń eshqaısysy áli áskerı ant qabyldap úlgermegen. Klımattyń aýysýy men kúnniń salqyndaýy, ári ásker rejımine endi úırenisip kele jatqan jas sarbazdardyń jappaı sýyq tııýmen aýrýy qalypty deıdi Jetisý garnızony baspasóz qyzmetiniń bastyǵy maıor Janat Sembaev.

Taldyqorǵan qalalyq áskerı gospıtali bastyǵynyń medıtsınalyq bólimi jónindegi orynbasary Bavomýrat Tashpýlatovtyń aıtýynsha 2 sarbaz pnevmonııa, 7 eýi bronhıt, 8 i ORZ dıagnozymen jatyr. Al, Jetisý oblystyq aýrýhanasyna jatqyzylǵan bir sarbazdyń jaǵdaıy aýyr.

«Taldyqorǵan qalasynyń oblystyq aýrýhanasyna aýyr ıntoksıkatsııa sındromy dıagnozymen 2005 jylǵy naýqas tústi. Onyń tańerteńgi jalpy jaǵdaıy aýyr, negizgi jáne qatar júretin patologııalarǵa, tynys alý jetkiliksizdiginiń aýyrlyǵyna, ıntoksıkatsııa belgilerine baılanysty. Aýanyń jetispeýshiligi, jótel, álsizdik, entigý, aýyzdyń qurǵaýy týraly shaǵymdar bar. Emdeý hattamaǵa sáıkes júrgizilip jatyr. Naýqas baqylaýda» — dedi Jetisý oblystyq aýrýhanasynyń dırektory Anarbek Mońgolhan.

Merzimdi sarbazdardyń jappaı syrqattanýy faktisi boıynsha áskerı prokýratýra qyzmettik tergeý júrgizedi.

Eske sala keteıik buǵan deıin Saryózekte 19 jastaǵy áskerı qyzmetshige oq tıip, aýrýhanaǵa túskeni jaıly jazǵanbyz.