Jetisý oblysynda 18 mádenıet jáne sport nysany salynyp jatyr

<p>Jetisý oblysynda 10,9 mlrd teńgege mádenıet jáne sport obektileri salynyp jatyr. Bul týraly Jetisý oblysynyń ákimi Beıbit Isabaev málim etti, dep habarlaıdy <a href="Kazinform." target="_blank" rel="noopener">Kazinform.</a></p>

«Mádenıet jáne sport salasynda 18 nysannyń qurylysy júrgizilýde (10,9 mlrd teńge) onyń ishinde 8 nysan qoldanysqa berildi. Sonymen qatar bıyl jyl sońyna deıin jergilikti bıýdjet esebinen 4 blokty-modýldik sport kesheni ashylady», - dedi Beıbit Isabaev Ortalyq kommýnıkatsııalar qyzmeti alańynda ótken baspasóz máslıhatynda.

Odan bólek ákim «Qazaqmys» korporatsııasymen demeýshi retinde Taldyqorǵan qalasynda onkologııalyq ortalyq salý týraly kelisimge kelgenin aıtty.
Sonymen qatar óńir basshysy densaýlyq salasyn sóz etti. 

«Budan basqa, jergilikti bıýdjet esebinen bıyl 21 blokty-modýldik medıtsınalyq pýnkt ornatyldy, jyl sońyna deıin taǵy 6-aýy, al 2025 jylǵa deıin 35-i turǵyzylady. Sondaı-aq «Aýyldyq densaýlyq saqtaýdy jańǵyrtý» ulttyq jobasy sheńberinde 2025 jylǵa deıin 59 nysan salý josparlanýda», - deıdi ol. 

Aıta keteıik, Jetisý oblysynda bıyl 3 myńnan astam páter beriledi. 

Buǵan deıin Jetisý oblysynda ekonomıkanyń ósý qarqyny 112,9% jetkenin habarlaǵan edik. 

Odan bólek, atalǵan óńir dándi daqyldardyń kólemi jaǵynan Jetisý oblysy alǵashqy tórttikke kiredi. 

Bıyl orta jáne shaǵyn bıznes salasy oblys bıýdjetine 33 mlrd teńge túsirdi.