Jetisý oblysynda 170 mln teńgeniń jer telimderi memleketke qaıtaryldy

<p>TALDYQORǴAN. KAZINFORM - Jetisý oblysynyń prokýrorlary Panfılov aýdanyndaǵy jalpy aýdany 155 ga bolatyn 114 jer ýchaskesin memlekettik jer qoryna qaıtardy, dep habarlaıdy Jetisý oblysynyń prokýratýrasynyń <a href="https://www.gov.kz/memleket/entities/prokuratura-zhetysu/press/news/details/748194?lang=kk" target="_blank" rel="noopener">baspasóz</a> qyzmeti.</p>

Baspasóz qyzmetiniń málimetterine qaraǵanda, atalǵan jerler uzaq ýaqyt boıy ıgerilmegen jáne nysanaly maqsaty boıynsha paıdalanylmaǵan. Ýchaskelerdiń kadastrlyq quny 170 mln teńgeden asady.

Prokýratýranyń qadaǵalaý aktisi boıynsha ýákiletti organ jer zańnamasyn buzǵany úshin jerdi memleketke qaıtarǵan.

«Bıyl memleketke barlyǵy 500 mln teńgeden astam somaǵa 53 myń ga jer qaıtaryldy»,-delingen habarlamada.