Jetisý oblysynda 1 adamnan metapnevmovırýs anyqtaldy

<p>TALDYQORǴAN. KAZINFORM - Jetisý oblysynda vırýstyq juqpalarǵa tekserilgen 87 adamnyń 28- inen oń nátıje tirkeldi. Onyń ishinde 1 adamnan&nbsp; qaýipti&nbsp; vırýs&nbsp; sanalatyn metapnevmovırýsy anyqtaldy.</p>

Jetisý oblysynyń sanıtarlyq-epıdemıologııalyq baqylaý departamentiniń málimetinshe, tumaý men JRVI-ǵa qarsy kúndelikti monıtorıng júrgiziledi. Oblys boıynsha 2024-2025 jyldar aralyǵyndaǵy epıdmaýsymda 50 myńǵa jýyq JRVI tirkeldi. Onyń 70% - ǵa jýyǵy 14 jasqa deıingi balalar. Bul kórsetkish ótken jylmen salystyrǵanda 30%-ǵa tómen.

- Tumaý juqpasynyń A (H1N1 09-pdm) – 18, V tumaýy -12 jaǵdaıy anyqtaldy. Tumaýǵa jatpaıtyn juqpalarǵa zerttelgen 87 úlginiń 28-i oń nátıje berdi. Onyń ishinde Rınovırýs - 13 , Koronovırýs-7, Paragrıpp -3 , Bokavırýs - 2 , Metapnevmovırýs - 1 , Adenovırýs - 1 , RS vırýs - 1, - dedi Jetisý oblysynyń Sanıtarlyq-epıdemıologııalyq baqylaý departamenti.

Aıta keteıik, jergilikti bıýdjet esebinen 82 167 adam tumaýǵa qarsy ekpe aldy. Jalpy oblys halqynyń 12% ımmýndaýmen qamtyldy. Eske salaıyq, osyǵan deıin Taldyqorǵanda ishek ınfektsııasyn juqtyrǵandardyń sany óskenin jazǵanbyz.