Jetisý oblysyna qyzylshaǵa qarsy 20 myń doza vaktsına ákelindi

<p>Jetisý oblysynda qyzylsha juqtyrǵandar sany azaıar emes. Dárigerlerdiń deregi boıynsha 467 adamnan juqpaly aýrý belgileri anyqtalyp, 319 naýqas em alyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Mamandar qyzylsha epıdemııasyn toqtatýdyń jalǵyz joly ekpe saldyrý ekendigin aıtady. Osy maqsatta oblys turǵyndaryn jappaı ımmýndaý jumysy júrip jatyr. Qajetti ekpemen qamtý úshin óńirge 20 myń doza qyzylshaǵa qarsy vaktsına ákelindi.

«Jetisý oblysyna qyzylsha dertine qarsy 20 myń doza vaktsına ákelindi. Tamyz aıynan beri óńirde bul vırýstyq indettiń ósýi baıqalǵan. Qazirgi tańda 467 jaǵdaı tirkelse, onyń 319-y rastalyp otyr. Aýrý juqtyrǵandardyń 60 paıyzy bes jasqa deıingi balalar. Al naýqastardyń 83 paıyzy buryn qyzylshaǵa qarsy egilmegender», - deıdi Jetisý oblysy sanıtarlyq-epıdemııalyq baqylaý departamenti basshysynyń orynbasary Indıra Kúnbasova.

Óńir boıynsha vırýs juqtyrǵan adamdarmen qarym-qatynasta bolǵan 37 myń adam anyqtalyp, olardyń 600-ge jýyǵy ekpe saldyrǵan. Al jeltoqsan aıynan bastap 2 jastan bes jasqa deıingi balalar ekpe ala bastaıdy.