Jetisý oblysy: Júrgizýshi uryp qulatqan azamat qaıtys boldy

<p>Qandy oqıǵa 29 qazan kúni Jetisý oblysynyń Alakól aýdanynda bolǵan. Kelispeýshilikten týǵan keleńsizdiktiń sońy qol jumsaýǵa ulasyp, aýyr soqqy alǵan adam aýrýhanada kóz jumdy, - dep habarlaıdy Kazinform.&nbsp;</p>

Oqıǵanyń beıne jazbasy áleýmettik jelide taraǵan. Beınekóriniste qyzyl tústi avtokólik jol jıeginde otyrǵan adamdy qaǵyp ketýge sál qalǵany baıqalady. Júrginshi men júrgizýshi arasynda daý týyp, bir-birine qol jumsaýǵa deıin barǵan. Nátıjesinde qulaq-shekeden soqqy alǵan jolaýshy qulap túsedi. Al kólik ıesi ony mashınasyna salyp, aýrýhanaǵa alyp ketken. Kelesi kúni 40 jastaǵy azamattyń aýdandyq aýrýhana tóseginen turmaı, jantásilim etkeni belgili boldy.

Qazir jergilikti polıtsııa kúdiktini ustap, qamaýǵa alǵan. Oǵan Qylmystyq kodekstiń 106-babynyń 3- bóligi boıynsha aıyp taǵyldy. Qylmys dáleldense, aıyptalýshyny 8-12 jylǵa deıin bas bostandyǵynan aıyrý jazasy kútip tur.