Jetisý oblysy probatsııa qyzmetiniń baqylaýynda 916 adam bar

<p>Jetisý oblysynda shartty jazaǵa kesilgender men úkimdi oryndaý merzimi keıinge shegerilgen adamdar sany az emes. Búginde óńirdiń probatsııa qyzmetinde 916 adam esepte tur, dep habarlaıdy <a href="Kazinform" target="_blank" rel="noopener">Kazinform</a>.</p>

Oblystyq prokýratýranyń málimetinshe, esepke alynǵan adamdardyń qoǵamnan alshaqtap qalmaýyna mán beriledi. Jyl basynan beri erki shektelgen jandardy jumyspen qamtý maqsatynda onǵa jýyq profılaktıkalyq is-shara ótip, 18 ret bos jumys oryndary jármeńkesi uıymdastyrylǵan.

Nátıjesinde 15 adam turaqty jumysqa, taǵy 15 adam maýsymdyq jumysqa ornalasypty. Al probatsııa qyzmetiniń tikeleı aralasýymen eńbek etý quqyna ıe bolǵan 336 adam ártúrli jumys istep, nanyn taýyp júr.

- Óńirdiń probatsııa qyzmetiniń esebine 916 adam tirkeýge alynǵan. Onyń ishinde 605 adamnyń bas bostandyǵy shekteýli bolsa, 173 adam shartty túrde sottalǵandar qatarynda. Taǵy 107 adam belgili bir qyzmetpen aınalysýǵa tıym salynǵandar tiziminde tur. Jáne qoǵamdyq jumysqa kesilgen 11 adam men úkimniń oryndalýy keıinge shegerilgender tizimindegi 20 adam probatsııa qyzmetiniń baqylaýynda, deıdi Jetisý oblysy prokýrorynyń orynbasary Erjan Sybanqulov.