Jetisý oblysy: Kóktumadan Dostyqqa deıin kólik qozǵalysyna shekteý qoıyldy

<p>TALDYQORǴAN. KAZINFORM &mdash; Jetisýda aýa raıynyń qolaısyzdyǵyna baılanysty Úsharal-Dostyq avtojoly jabyldy. Bul týraly QazAvtaJol UK habarlady.&nbsp;</p>

«2024 jylǵy 27 qarashada saǵat 16:30-da Jetisý oblysynda aýa raıynyń qolaısyzdyǵyna baılanysty «Úsharal-Dostyq» avtojolynyń 84-164 shaqyrym aralyǵynda (Kóktuma stansasynan Dostyq aýylyna deıin) kóliktiń barlyq túriniń qozǵalysyna shekteý qoıylady», - delingen habarlamada. 

Oblystyq jol polıtsııasy qyzmetkerleri de júrgizýshilerge ýaqytsha shekteýge sabyrlyqpen qarap, shydamdylyq tanytýdy suraıdy. Qubylmaly aýa raıynda jolǵa shyǵyp, táýekelge barmańyz.

Eske salaıyq buǵan deıin Jetisýda jol-kólik oqıǵasynyń bir jylda shamamen 3 ese óskenin jáne Óskemende qolaısyz meteorologııalyq jaǵdaıǵa baılanysty oqýshylardyń onlaın oqıtynyn jazǵanbyz.