Jetisý oblysy ákimi apparatynyń basshysy bolyp Sáken Túkibaev taǵaıyndaldy

<p>TALDYQORǴAN. KAZINFORM - Jetisý oblysy ákiminiń ókimimen Túkibaev Sáken Ǵalymuly oblys ákimi apparatynyń basshysy bolyp taǵaıyndaldy.</p>

Túkibaev Sáken Ǵalymuly - 1991 jyly týǵan, bilimi joǵary. 

Qazaqstan-Brıtan tehnıkalyq ýnıversıtetin avtomattandyrý jáne basqarý, Ó. Joldasbekov atyndaǵy ekonomıka jáne quqyq akademııasyn qarjy, Qazaqstan Respýblıkasy Prezıdentiniń janyndaǵy Memlekettik basqarý akademııasyn memlekettik jáne jergilikti basqarý, óńirlik damý mamandyqtary boıynsha bitirgen.

Prezıdenttik jastar kadrlyq rezerviniń múshesi.

Eńbek jolyn Astana qalasynda «MunaıGaz» ınjınırıng kompanııasy» JShS-da ınjener bolyp bastaǵan. Ár jyldarda Taldyqorǵan qalasynda «TATEK» AQ ekonomısi, Almaty oblysynyń ekonomıka jáne bıýdjettik josparlaý basqarmasynyń bas mamany, bólim basshysy, Qazaqstan Respýblıkasy Ulttyq ekonomıka mınıstrligi Memlekettik aktıvterdi basqarý saıasaty departamenti dırektorynyń orynbasary, Premer-Mınıstr Keńsesiniń óńirlik damý bóliminiń bas ınspektory, Túrkistan oblysynyń strategııa jáne ekonomıkalyq damý basqarmasy basshysynyń orynbasary, Jetisý oblysynyń týrızm basqarmasynyń basshysy qyzmetterin atqardy.

2023 jyldyń mamyr aıynan Jetisý oblysy ákimi apparaty basshysynyń orynbasary boldy.