ASTANA. KAZINFORM — Fılıppınde voleıboldan áıelder komandalary arasynda Azııa chempıondar lıgasynda «Jetisý» jartylaı fınalǵa joldama aldy.
Taldyqorǵandyq komanda shırek fınalda fılıppındik «PLDT High Speed Hitters» klýbymen alańǵa shyqty.
Birinshi partııada taldyqorǵandyqtar bet qaratpady — 25:13.
Esesine ekinshi jáne úshinshi set tartysty órbidi. «Jetisý» bapkeri, serbııalyq Marko Grshıch kerek kezinde úzilis alyp, oıynshylaryna durys baǵyt bere bildi — 25:22, 25:20. Qorytyndy esep — 3:0.
«Jetisýdyń» jartylaı fınaldaǵy qarsylasy keıin anyqtalady.
Eske sala keteıik, budan buryn «Jetisý» klýbynyń Azııa chempıondar lıgasynyń shırek fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).