Jetisaılyq oqýshy mektepte jarylǵysh zat qoıylǵanyn habarlaǵan
Polıtsııaǵa qońyraý soqqan belgisiz er adam Jetisaı aýdanyndaǵy oqý oryndarynyń birinde jarylǵysh qurylǵy qoıylǵany týraly habarlanǵan. Oqıǵa ornyna shuǵyl túrde arnaıy qyzmetter shyǵyp, oqýshylar men mektep ákimshiligin evakýatsııalady. Tekserý kezinde habarlama jalǵan bolyp shyqty.
Jedel-izdestirý is-sharalary barysynda Túrkistan oblysynyń polıtseıleri jarylǵysh qurylǵy týraly habarlaǵan kámeletke tolmaǵan 11 synyp oqýshysynyń jeke basyn anyqtady. Qazirgi ýaqytta bolǵan oqıǵanyń barlyq mán-jaılaryn anyqtaýǵa baǵyttalǵan qajetti is-sharalar júrgizilýde.
«Terrorızm aktisi týraly kórineý jalǵan habarlaǵany úshin aıyppul ne sol mólsherde túzeý jumystarymen, sondaı-aq bes jylǵa deıingi merzimge shekteý nemese bas bostandyǵynan aıyrý túrinde jaza qarastyrylǵan. 14 jasqa tolǵan adamdar bul qylmys úshin qylmystyq jaýapkershilikke tartylady. Sol sebepti polıtsııa mektep oqýshylaryna qatań eskertedi. Mundaı quqyq buzýshylyqtarǵa zańmen tyıym salynady. Sondaı-aq sot sheshimi negizinde shyǵyndar men osyndaı habarlamadan keltirilgen barlyq shyǵyn ótelýi tıis. Eger mundaı áreketterdi kámeletke tolmaǵandar jasaǵan jaǵdaıda, zalaldy óteý olardyń ata-analaryna nemese zańdy ókilderine júkteledi», — delingen Túrkistan oblysy polıtsııa departamentiniń baspasóz qyzmeti taratqan aqparatta.
Aıta keteıik, budan buryn Keleste anasy men qyzyn óltirgen kúdiktini alqa bıler sottaıtyndyǵyn jazǵan bolatynbyz.