Jetim jigit Astanadaǵy sheneýniktermen sottasyp, jeńiske jetti

<p>ASTANA. KAZINFORM &ndash;<strong> </strong>Astananyń Turǵyn úı basqarmasy men turǵyn úı ınspektsııasy jetim jigitti turǵyn úıge kezekke qoıýǵa jáne oǵan qazir ýaqytsha baspana berýge mindettedi, dep habarlaıdy Kazinform agenttigi QR Joǵarǵy sotyna silteme jasap.<strong></strong></p>

32 jastaǵy Astana turǵyny 7 jastan bastap jetim jáne ata-anasynyń qamqorlyǵynsyz qalǵan balalarǵa arnalǵan mektep-ınternatta tárbıelenip, sonda turǵan.

Búgingi kúni onyń Qazaqstanda baspanasy joq. Biraq turaqty jumys orny bar jáne elordada tirkelgenine 7 jyldan asady.

2019 jyly qalalyq turǵyn úı jáne turǵyn úı ınspektsııasy basqarmasy men Astana ákimdigi ony «kezekte.kz» portaly arqyly ótinish toltyrý qajettigin alǵa tartyp, turǵyn úı kezegine qoıýdan bas tartqan.

Biraq bul portal da jas ólshemderine sáıkes kelmegendikten onyń qujattaryn qabyldamaǵan.

Jas jigit kommýnaldyq turǵyn úı qorynan turǵyn úı alýǵa tirkeýge qoıýdy, turǵyn úıdi kezegimen alǵanǵa deıin ýaqytsha jalǵa berýdi qamtamasyz etýdi talap etip, basqarma men qala ákimdigine talap qoıýmen sotqa júgingen.

Astana MAÁS-y jáne apellıatsııa talap qoıýdy qanaǵattandyrǵan.

Jaýapkerler bul sheshimge kassatsııalyq tártipte shaǵym túsirgen.

Joǵarǵy Sottyń Ákimshilik ister jónindegi sot alqasy (ÁІJSA) is materıaldaryn zerdeleı kele, talap qoıýshy memlekettik turǵyn úı qorynan turǵyn úıge muqtajdardy Astana qalasynda – keminde óziniń turaqty turǵylyqty jeri boıynsha keminde 3 jyl bolǵandyqtan tirkeýge quqyly ekenin kórsetti.

2016 jyldan beri ol Astana qalasynda basqa adamnyń saıajaıynda turyp jatyr jáne «kezekte.kz» portalynyń tehnıkalyq múmkindikterine baılanysty zańdy túrde tirkelý quqyǵyn paıdalana almaıdy.

Talap qoıýshynyń 2019 jyldyń 1 sáýirinen bastap tirkeý máselesi boıynsha jaýapkerge qaıtalap aryz bergeni týraly ýájderi qanaǵattandyryldy.

Jaýapker talap qoıýshynyń ýájderin joqqa shyǵarǵan joq.

Osyǵan baılanysty ÁІJSA turǵyn úı basqarmasy men qalalyq turǵyn úı ınspektsııasyna talap qoıýshyny «jetim balalar, ata-anasynyń qamqorlyǵynsyz qalǵan balalar» sanaty boıynsha 2019 jyldyń 1 sáýirinen bastap memlekettik turǵyn úı qorynan turǵyn úıge muqtajdar retinde tirkeý mindetin júktegen jergilikti sottarmen kelisti.

Aıta keteıik, Oralda sotqa qurmetsizdik tanytqan polıtsııa qyzmetkeri jaýapqa tartyldy.