Jetim balalarǵa arnalǵan jańa tálimgerlik ınstıtýty engiziledi – Ashat Aımaǵambetov

<p>Qazaqstanda jetim balalardyń tárbıesine arnalǵan tálimgerlik ınstıtýty engiziledi. Bul týraly Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine bilim berý jáne tálimgerlik máseleleri boıynsha ózgerister men tolyqtyrýlar engizý týraly&raquo; zań jobasyn talqylaý kezinde depýtat Ashat Aımaǵambetov málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Jetim balalar úshin jańa tálimgerlik ınstıtýtyn engizý boıynsha norma usynylyp otyr. Ol ne úshin kerek? Bul ınstıtýt 10 jastan asqan, balalar úılerinde tárbıelenetin jetim balalardy áleýmettendirýge jáne ómir súrý jaǵdaılaryna beıimdeýge qosymsha múmkindik beredi. Tálimgerler volonterlik tártipte, ıaǵnı aqysyz túrde balalar úıindegi jetkinshekterdi qamqorlyǵyna alyp, olarǵa qoldaý kórsetýge, áleýmettendirý jumysyn júrgizýge múmkindik alady», – dedi A. Aımaǵambetov.

Aıtýynsha, tálimgerge qatysty, olardy baqylaýǵa, jaýapkershiligi boıynsha naqty ári qatań talaptar qarastyryldy. Balalar úıi, bilim basqarmasy men tálimger arasynda barlyq qarym qatynastar shartpen retteledi.

«Zań jobasynda polıtsııada devıantty minez qulyq boıynsha tirkeýde turǵan balalardy qoldaý jáne ońaltý boıynsha arnaıy norma usynyldy. Basty másele osy sanattaǵy balalardyń bos ýaqytyn qamtý. Osyǵan oraı, endi osy oqýshylar proaktıvti formatta, ıaǵnı eshqaıda baryp ótinish bermeı-aq, túrli úıirmelermen jáne sektsııalarmen qamtylatyn bolady. Bilim berý uıymdarynda dinı jáne basqa da zııandy aqparatqa jol bermeý týraly naqty mindet bekitildi», – dedi depýtat.