Jetiqaradaǵy órtte 5 balasy órtenip ketken ana 5 jylǵa sottaldy

<p>ASTANA. KAZINFORM &ndash; &nbsp;Qostanaı oblysy Jitiqara aýdandyq sotynda 5 balasy órtenip ketken anaǵa qatysty qylmystyq is qaraldy.&nbsp;&nbsp;</p>

Aýdandyq sotta QK 292-babynyń 3-bóligimen (abaısyzda 5 balanyń ólimine ákep soqtyrǵan órt qaýipsizdigi talaptaryn buzý) aıyptalýshyǵa qatysty qylmystyq is qaraldy. 

— Sottalýshy balalaryn qaraýsyz qaldyrdyp, úlken ulyna úıdiń ishi salqyndaǵan jaǵdaıda peshke ot salýdy tapsyrǵan. Uly peshte otyn, kómir jáne turmystyq qoqystardy jaǵady, sondaı-aq pesh janynda belgisiz suıyqtyqpen jatqan plastıkalyq bótelkeni otqa salady. Nátıjesinde peshtegi jalynnyń janyp, órtke aınalýyna sebep boldy. Órt saldarynan bes bala qaıtys boldy. Sottalýshynyń kinási onyń moıyndaý aıǵaqtarymen, kýágerlerdiń aıǵaqtarymen, oqıǵa bolǵan jerdi tekserý hattamasymen jáne sot saraptamalarynyń qorytyndylarymen dáleldendi, — delingen Jetiqara aýdandyq sotynyń habarlamasynda. 

Sottalýshy óz kinásin tolyq moıyndap, istegen isine ókinish bildirip, bas bostandyǵynan aıyrmaýdy ótingen.

Sot sheshimimen aıyptalýshyǵa 5 jylǵa bas bostandyǵynan aıyrý jazasy taǵaıyndaldy. QK-niń 74-babynyń negizinde jas balanyń bolýyna baılanysty jazany oryndaý keıinge qaldyryldy. 

Úkim zańdy kúshine engen joq.

Eske sala keteıik, buǵan deıin Qostanaı oblysynda órt shyǵyp, bes bala qaza tapqan edi.

Artynsha 5 balanyń ómirin qıǵan Jitiqaradaǵy órtke qatysty oblys ákimi málimdeme jasaǵan bolatyn.