Jetisýlyq kásipkerdi bopsalap kelgender ustaldy

TALDYQORǴAN. QazAqparat – Jetisý oblysynda kásipkerdi bopsalaǵan eki er adam ustaldy, dep habarlaıdy QazAqparat Rolisia.kz-ke silteme jasap.

«Polıtseıler Ulttyq qaýipsizdik komıtetiniń oblystyq departamenti qyzmetkerleriniń kómegimen jergilikti kásipkerdi qorqytyp, aqsha talap etken eki kúdiktini ustady. Ustalǵandardan 500 myń teńge tárkilendi, bul aqshany jábirlenýshiden qorqytyp alǵan.
«Kúdiktilerdi ustaý Almaty – Óskemen trassasynyń jol boıyndaǵy dámhanalardyń birinde júrgizildi. Olardyń biri Almatynyń buryn sottalǵan 53 jastaǵy turǵyny, ekinshisi Alakól aýdanynyń 35 jastaǵy turǵyny.

Qazirgi ýaqytta ekeýi de ýaqytsha ustaý ızolıatoryna qamaldy», - dep habarlady Jetisý oblysy PD uıymdasqan qylmysqa qarsy kúres basqarmasynan.
Atalǵan fakti boıynsha sotqa deıingi tergeý amaldary QR Qylmystyq kodeksiniń 194-baby 2-bóligine (qorqytyp alý) sáıkes júrgizilip jatyr.

Búgin sondaı-aq Aqtóbe oblysynda kásipkerlerdi bopsalap kelgen qylmystyq top ustalǵany habarlandy.