Jetisýda «Týǵan jer» jobasy sheńberinde 193 joba júzege asyryldy
Bul týraly búgin Ortalyq kommýnıkatsııalar qyzmetinde ótken brıfıng barysynda oblys ákimi Amandyq Batalov málim etti, dep habarlaıdy QazAqparat tilshisi.
Olardyń qatarynda «Batyr babalar» memorıaldy mýzeıi (465 mln.teńge) men Tuńǵysh Prezıdent - Elbasynyń «Atameken» tarıhı-mádenı ortalyǵy da salynyp, iske qosyldy.
Bul oraıda áleýmettik mańyzdy jobalar da atap ótildi. «BN INVEST» qarjylyq-óndiristik holdıngi Qarasaı aýdany Shamalǵan aýylynda halyqtyń áljýaz toptarynyń qataryndaǵy otbasylaryna 160 mln teńgege 17 turǵyn úı salyp berdi. Al Eńbekshiqazaq aýdany Aşybulaq aýylyndaǵy qaraýsyz qalǵan saıabaq qaıta jańǵyrtylyp, balalar alańy men fýtbol alańy jasaldy. Bul iske joǵary tehnologııaly kókónis pen jemis-jıdek ósirýmen aınalysatyn «Amal Bıo» JShS jetekshisi, kásipker Asqar Sabırov 30 mln teńge jumsady. «ABM Group» JShS dırektorlar keńesiniń tóraǵasy, metsenat Azamat Moldaqasymov Balqash aýdanynda birqatar irgeli isterge muryndyq boldy: bastaýysh mektep, balalar alańy salyndy, aýylishilik joldar jóndelip, jaryqtandyrý júıeleri júrgizildi. Jalpy alǵanda kásipker Boıaýly aýylyn kórkeıtýge 650 mln teńgeden astam qarjy quıdy. Belgili metsenat, «Jer-Sý» korporatsııasynyń prezıdenti Baýyrjan Ospanov jastardy qoldaý men bıznesti damytýǵa barynsha járdemdesip keledi. «Bastau Samp» semınarynyń sheńberinde Alakól aýdanynda 12 jas kásipkerdiń úzdik startaptary kásipkerdiń 1 mln teńgege deıingi grantyn ıemdendi.
Sharýa qojalyǵynyń basshysy Temirlan Shaınúsipov «Rýhanı jańǵyrý» baǵdarlamasyna qatysa otyryp, Jambyl aýdany Aqterek aýylynda 140 mln teńgege 20 turǵyn úı saldy. Ol týǵan aýylynda balaqsha, balalarǵa alańdary men sport alańdaryn turǵyzyp, jol saldy. Óńirde mundaı mysaldar kóp.
«Jyl basynan beri oblysta «Týǵan jer» jobasy sheńberinde jalpy somasy 4,2, mlrd teńgege 85 joba júzege asyrylyp jatyr. Olardyń arasynda Alakól, Qarasaı aýdandarynda dene shynyqtyrý-saýyqtyrý keshenderiniń, Kerbulaq aýdany Tastybastaý aýylynda mekteptiń, Alakól aýdanynda patronattyq otbasyna arnalǵan úıdiń qurylysy men Jambyl aýdany Uzynaǵash aýylynda uly aqyn, jyrshy, jyraý Jambyl Jabaevtyń eskertkishin ataýǵa bolady. Jyr alybynyń eńseli eskertkishin kúni keshe ǵana saltanatty túrde ashtyq», - dedi Almaty oblysynyń ákimi Amandyq Batalov.
Jalpy, 2019-2020 jyldary quny 5,9 mlrd teńge bolatyn 122 jobany júzege asyrý josparlanǵan.