Jetisýda mas júrgizýshiler kesirinen 6 kólik apaty bolyp, bir adam qaza tapty
Jetisý oblysynyń avtojoldarynda patrýl polıtseıleri kólik quralyn basqarý kezinde alkogol nemese esirtkige mas bolǵan 268 júrgizýshini anyqtap, ustady.
Mas júrgizýshiniń kinásinen 6 jol oqıǵasy boldy, onda bir adam qaza taýyp, 6 adam túrli jaraqat aldy.
Sońǵy jol apaty Panfılov aýdanynda tirkeldi. Qorǵas aýylynda Lexus LX 470 pen Volkswagen Passat soqtyǵysty.
Jol apatynan eki kóliktiń de júrgizýshisi zardap shegip, aýyr jaraqatpen jergilikti aýrýhanaǵa jetkizildi.
Medıtsınalyq tekserý kezinde júrgizýshilerdiń biri mas bolǵany belgili boldy.
«Oblystyq polıtsııa júrgizýshilerdi kólikti basqarý kezinde alkogoldi ishimdikten bas tartýǵa shaqyrady. Bul talaptardy elemeý zańnamada kózdelgen jaýapkershilikke ǵana emes, sondaı-aq aýyr zardaptary bar jol-kólik oqıǵasyna ákeledi»,- delingen Jetisý oblystyq polıtsııa departamenti baspasóz qyzmetiniń habarlamasynda.