Jetisýda qostanaılyqtarǵa gýmanıtarlyq kómek jınaý jalǵasyp jatyr

TALDYQORǴAN. QazAqparat – Jetisý oblysynda órtten zardap shekken qostanaılyqtar úshin gýmanıtarlyq kómek jınaý sharasy jalǵasyp jatyr, dep habarlaıdy QazAqparat «AMANAT» partııasynyń jergilikti fılıalyna silteme jasap.

Partııa músheleri, eriktiler, kásipkerler, etnomádenı birlestikterdiń ókilderi, kómek qolyn sozýǵa nıet bildirgen azamattar 2,5 tonna túrli azyq-túlik, kıim-keshek jáne gıgıenalyq qajettiliktegi zattardy, sondaı-aq 10 tonna qant pen 15 tonna un jınady. Qosymsha biryńǵaı arnaıy shotqa 1,4 mln teńge aýdaryldy.

Gýmanıtarlyq kómekti qabyldaý ortalyǵy «AMANAT» partııasynyń aýdandyq jáne qalalyq fılıaldarynyń bazasynda ashylǵan. Sondaı-aq, osyndaı pýnkt Taldyqorǵan qalasyndaǵy Jastarǵa qyzmet kórsetý ortalyǵynda da jumys isteıdi.