Jetisý joldarynda «Krıs -P» fotoradarlar paıdalanyla bastady

TALDYQORǴAN. QazAqparat - Jetisý óńiriniń avtojoldarynda «Krıs -P» fotoradarlar paıdalanyla bastady, dep habarlaıdy QazAqparat ІІM-ne silteme jasap.

Polıtsııa jol-kólik oqıǵalarynyń aldyn alý jáne júrgizýshilerdiń joldaǵy tártibin arttyrý maqsatynda «Krıs-P» fotoradar jyljymaly keshenderin (úsh dana kóleminde) paıdalana bastady. Patrýldik polıtsııa qyzmetkerleri fotoradarlarmen tirkelgen buzýshylyqtardy resimdemeıdi. «Krıs-P» derekteri QR Bas prokýratýrasynyń ÁІBT bazasyn (ákimshilik is júrgizýlerdiń biryńǵaı tizilimi) avtomatty túrde tolyqtyrady.

Polıtsııa júrgizýshilerdi QR Jol erejelerin múltiksiz saqtaýǵa jáne birinshi kezekte jyldamdyq rejımin shekten tys asyrmaýǵa shaqyrady.

Aıta keteıik, bıylǵy birinshi toqsanda óńirdiń avtojoldarynda 89 JKO tirkeldi, onda 23 adam qaza taýyp, 134 adam túrli jaraqat aldy.