Jetisý óńiriniń tranzıttik áleýeti zor - Prezıdent

TALDYQORǴAN. QazAqparat - Jetisý jurtshylyǵymen kezdesken Qasym-Jomart Toqaev óńirdiń tranzıttik áleýetine toqtaldy, dep habarlaıdy QazAqparat.

«Bul óńirdiń tranzıttik áleýeti óte zor. Sondyqtan, munda halyqaralyq kólik-logıstıka kompanııalaryn tartý asa mańyzdy. Sol úshin «Qorǵas – Shyǵys qaqpasy» arnaıy ekonomıkalyq aımaǵy qurylǵan. Oǵan qurǵaq port, logıstıkalyq jáne ındýstrııalyq aımaqtar kiredi. Bul jerde 2026 jyldyń sońyna deıin 22 jobany júzege asyrý kózdelip otyr. Onyń jalpy quny – 450 mıllıard teńge shamasynda. Degenmen, júkti túsirip, qaıta tıeýge arnalǵan oryndar jáne ony saqtaıtyn qoımalar salý qajet. Osy baǵytta jańa, zamanaýı jobalardy qolǵa alǵan jón», - dedi Memleket basshysy.

Onyń aıtýynsha, óńirdiń bul áleýetin tolyq paıdalaný úshin kólik ınfraqurylymyn damytý kerek.

Aldymen apatty jaǵdaıda turǵan 15 kópirdi jaqyn arada retke keltirý qajet.

Joldardy kútip ustaý jáne jóndeý máselesi quzyrly memlekettik organdardyń aıryqsha baqylaýynda bolýǵa tıis.

«Taldyqorǵan – Qalbataý – Óskemen» jáne «Úsharal – Dostyq» tas joldary salynyp jatyr. Osy jyldyń sońyna deıin joldyń asfaltty qabatyn salyp bitirý qajet. Quzyrly organdarǵa jumys barysyn qatań baqylaýǵa alyp, kelesi jyly tolyq paıdalanýǵa berýdi tapsyramyn», - dep túıindedi Prezıdent.