Jetisý oblysynyń Qyzyljar aýylynda tasqyn sý qaýpi seıildi

TALDYQORǴAN. QazAqparat – Jetisý oblysy Kerbulaq aýdanyna qarasty Qyzyljar aýylynyń turǵyndary ózende sý deńgeıi kóteriletini týraly eskertildi. Buǵan deıin atalǵan aýdanda bir kóshe men birneshe aýla aýmaǵyn erigen qar sýy basyp qalǵan bolatyn, dep habarlaıdy QazAqparat tishisi.

«Saǵat 18.30-daǵy jaǵdaı boıynsha Qyzyljar aýylynda sý basý qaýpi seıildi. Sý deńgeıi tómendedi. Alaıda, «Qazgıdromet» RMK-nyń eskertýine sáıkes, jaýyn-shashyn túrindegi qaýip saqtalyp otyr. Aýyl ishindegi aryqtar kelip túsetin sý kólemin ótkizip úlgermeı, arnasynan tasýy yqtımal. Kúndizgi ýaqytta Shynybek kóshesinde jol ústine azdaǵan sý jaıylýy múmkin», - deıdi Jetisý oblystyq Tótenshe jaǵdaılar departamenti bastyǵynyń orynbasary Igor Jýkov.

Aıta keteıik, Kerbulaq aýdanynyń jergilikti atqarýshy organdary men oblystyq TJD sýdy burý úshin Qyzyljar aýylynyń joǵary jaǵynan uzyndyǵy 1 km, eni 1,5 metr, tereńdigi 2 metr kanal qazdy. Úılerdiń aýlalaryn sý basý qaýpi barynsha azaıtyldy. Jumystar tolyǵymen aıaqtaldy, erigen qar sýy Baıǵazy ózenine quıylyp jatyr.

Eske salaıyq, 5 naýryzda kúnniń kúrt jylynýynan erigen qar sýy

Kerbulaq aýdanynyń Qyzyljar aýylynda Shynybek kóshesi men birneshe úıdiń aýlasyn basyp qalǵan bolatyn.