Jetisý oblysynyń eki aýdanynda turǵyndar jaryqsyz qaldy

TALDYQORǴAN.QazAqparat - Jetisý oblysynyń eki aýdanynda turǵyndar jaryqsyz qaldy, dep habarlaıdy QazAqparat tilshisi.

«12 tamyz kúni saǵat 12:32-de (Qaratal aýdanynda) jáne saǵat 15:15-te (Eskeldi aýdanynda) aýa raıynyń qubylýyna baılanysty elektr jelilerinde aqaý paıda bolyp, nátıjesinde PS -152, PS-48 apatty jaǵdaıda óshti. Qazirgi ýaqytta mamandar jelilerdi qaıta iske qosý jumystaryn júrgizýde»,- delingen Jetisý oblysy ákimdigi baspasóz qyzmetiniń habarlamasynda.

Jetisý oblysynyń Eskeldi aýdanynda qatty jaýyn saldarynan 50 turǵyn evakýatsııalanǵanyn habarlaǵan bolatynbyz.