Jetisý oblysynyń birneshe sot ǵımaratyna bomba qoıyldy degen aqparat jalǵan bolyp shyqty
Jetisý oblystyq polıtsııa departamenti baspasóz qyzmetiniń málimetinshe, Jetisý jáne Almaty oblystarynyń sot ǵımarattaryn polıtsııanyń jedel qyzmeti arnaıy ıisshil ıtterdiń kómegimen tekserip shyqqan. Alaıda, ǵımarattardan eshqandaı jarylǵysh zat tabylmaǵan.
«Qazir atalǵan faktige sáıkes QR QK 273 baby boıynsha is qozǵaldy. Jalǵan aqparat bergeni úshin asa iri kólemde aıyppul tóleıdi nemese 5 jylǵa deıin bas bostandyǵynan aıyrylady»,- delingen Jetisý oblystyq polıtsııa departamenti baspasóz qyzmetiniń habarlamasynda.
Esterińizge sala keteıik, buǵan deıin Jetisý oblysynyń birneshe sot ǵımaratyna jarylǵysh zat qoıylǵandyǵy týraly habarlama sotqa kelgendigi týraly habarlaǵan bolatynbyz. Osy jaıttan keıin sot qyzmetkerleri evakýatsııalanyp, mekemelerge tintý jumystary júrgizilgen bolatyn.