Jetisý oblysyndaǵy balalar aýrýhanasynda sotqa deıingi tergeý júrip jatyr
12:55, 11 Qazan 2022
TALDYQORǴAN.QazAqparat - Jetisý oblysyndaǵy kópsalaly balalar aýrýhasynda sotqa deıingi tergeý júrip jatyr, - dep habarlaıdy QazAqparat tilshisi.
Aýrýhana qyzmetkerlerine bıýdjet qarjysyn jymqyrdy degen aıyp taǵylyp otyr.
«Sotqa deıingi tergeý bıýdjet qarjysyn jymqyrdy degen fakti boıynsha júrip jatyr. Ózge aqparattar Qylmystyq protsessýaldyq kodekstiń 201 babyna sáıkes jarııa etilmeıdi»,- delingen Jetisý oblystyq ekonomıkalyq tergeý departamenti baspasóz qyzmetiniń habarlamasynda.
Al atalǵan balalar aýrýhanasynyń qyzmetkerleri 5 aıdan beri zeınetaqy men medıtsınalyq aýdarymdardyń túspegenine shaǵymdanýda.