Jetisý oblysynda jyl basynan beri kólik apatynan 111 adam kóz jumdy

TALDYQORǴAN. QazAqparat - Jetisý oblysynda jol-kólik oqıǵalary jıiledi. Jyl basynan beri bolǵan 400-den astam jol apatynda 111 adam mert bolyp, 700-ge jýyǵy túrli dene jaraqtyn alǵan, - dep habarlaıdy QazAqparat.

Ásirese Alakól aýdanynda kólikterdiń soqtyǵysýy jáne aýdarylýy kóbeıgen. Sebebi týrızm maýsymy kezinde aýdan aýmaǵyna kelip-ketetin demalýshylar sany artady. Sondyqtan aýdan prokýrorlary dabyl qaǵyp, júrgizýshilerdi jol erejelerin saqtaýǵa shaqyratyn túrli aktsııalar uıymdastyrýda. Bul joly jol apatynda qıraǵan kólikterdi tıegen arnaıy tehnıka Úsharal qalasy men jaqyn mańdaǵy eldi-meken kóshelerimen júrip ótti. Mundaǵy maqsat kólik ıelerin bir sátke bolsyn oılandyryp, óziniń jáne jaqyndarynyń ómiri úshin jol erejelerin buzbaýǵa yqpal etý. Bıyl Alakól aýdanynda 30-ǵa jýyq jol apatynan 26 adam kóz jumǵan.

«Alakól aýdany demalys-kýrortty aımaq bolyp sanalady. Jaz ýaqytynda jol oqıǵalary kóbeıip ketedi. Óıtkeni bizge kelýshiler óte kóp. Onyń ishinde kesh shyǵady jolǵa, jol erejelerin saqtamaıdy, iship alyp aıdaýy, masań kúıde sonyń bári áser etedi»,- dedi Alakól aýdanynyń prokýrory Erlan Qasymbaev.