Jetisý oblysynda júrgizýshi eki adamdy qaǵyp, oqıǵa ornynan qashyp ketti
Jarkent polıtseıleri adam ólimine ákelip soqtyrǵan jol-kólik oqıǵasynan qashyp ketken 31 jastaǵy Toyota Camry 10 júrgizýshisin anyqtap, ustady. Buǵan deıin buzaqylyq jasaǵany úshin jaýapqa tartylǵan azamat qazir polıtsııa bólimine jetkizilip, ýaqytsha ustaý ızolıatoryna qamaýǵa alyndy.
10 qarasha kúni Jarkent qalasyndaǵy Álıev kóshesinde belgisiz kólik eki jaıaý júrginshini qaǵyp ketti. Ókinishke qaraı jol-kólik oqıǵasy saldarynan 28 jastaǵy er adam oqıǵa ornynda kóz jumdy. Kólik júrgizýshi qashyp ketken.
«Qatty soqqydan oqıǵa ornynda avtokóliktiń memlekettik nómiri túsip qaldy. Sol arqyly oqıǵa ornynan qashqan júrgizýshini anyqtaý múmkin boldy. Jaıaý júrginshilerdi kórshiles Almaty oblysynyń 31 jastaǵy turǵyny qaǵyp ketkendigi anyqtaldy. Kólik tárkilenip, arnaıy turaqqa qoıyldy», – dedi Panfılov aýdanynyń polıtsııa bólimi.
Jol apatynan aman qalǵan 34 jastaǵy er adam dárigerlerdiń baqylaýynda. Tergeý qylmystyq zańnamanyń eki baby boıynsha júrgizilip jatyr.
Foto: polisia.kz