Jetisý oblysynda júk kóligi jolaýshylar poıyzyna soǵyldy

ASTANA. QazAqparat – Jetisý oblysy aýmaǵynda aýyr júk kóligi poıyzben soqtyǵysty, dep habarlaıdy QazAqparat tilshisi.

«2023 jylǵy 24 shilde kúni saǵat 10.50-de Beskól-Dostyq ýchaskesindegi temirjol ótkelinde «KamAZ» avtokóliginiń júrgizýshisi qalamańy poıyzymen soqtyǵysýǵa jol berdi. Qaza bolǵandar men zardap shekkender joq. Oqıǵa tekserilýde», - dep atap ótedi «Qazaqstan temir joly» UK» AQ baspasóz qyzmetinen.

Osyǵan oraı QTJ júrgizýshilerdi qyraǵylyqqa jáne jol qozǵalysy erejelerin múltiksiz saqtaýǵa shaqyrady.

Esterińizge sala ketsek, 11 shilde kúni Atyraý qalasyndaǵy Raýan kóshesinde júk poıyzy men qoǵamdyq kólik soqtyǵysqan edi. Jol-kólik oqıǵasyna jolaýshy tasymaldaıtyn Youtoung markaly avtobýstyń temirjol boıyndaǵy qorǵalmaǵan aýmaqpen júrgeni sebep bolǵan.