Jetisý oblysynda jolda turyp qalǵan 3 kólikten 9 adam qutqaryldy
«22 qańtarda saǵat 19:50-de Jetisý oblysy Tótenshe jaǵdaılar departamentinde Alakól aýdanyndaǵy «Úsharal-Dostyq» avtojolynda aýa-raıynyń qolaısyzdyǵyna baılanysty (boran, nóldik kóriný) qalyń qarda kólik turyp qalǵany týraly habarlama kelip tústi. Oqıǵa ornyna dereý Aqshı aýyly men Dostyq stantsııasynan qutqarý bólimsheleriniń ókilderi jiberildi.
23 qańtar kúni tańǵy saǵat 9.00-de ekpini sekýndyna 30 metrge jetetin boranda «Yrǵaıty» ýchaskesinde jolda turyp qalǵan 3 avtokóliktiń salonynan 9 adam qutqarylyp, Dostyq stantsııasyna jetkizildi»,- delingen Jetisý oblystyq Tótenshe jaǵdaılar departamentiniń baspasóz qyzmetiniń habarlamasynda.
Qutqarylǵandardyń eshqaısysyna medıtsınalyq kómek qajet bolmady.
Esterińizge sala ketsek, 22 qańtar kúni saǵat 18.00-de aýa-raıynyń nasharlaýyna (boran, boran, kórinýdi shekteý) baılanysty «Úsharal-Dostyq» respýblıkalyq mańyzy bar avtojoly (84-ten 184 shaqyrymǵa deıin) barlyq avtokólik túrleri úshin jabyldy.
«Jetisý oblysynyń TJD azamattardy qolaısyz aýa-raıy jaǵdaıynda alys jolǵa shyqpaýǵa jáne 112 qyzmeti bergen SMS habarlamalardy nazardan tys qaldyrmaýdy shaqyrady»,-delingen habarlamada.
Vıdeodan alynǵan kadr