Jetisý oblysynda jol apatynan 73 jastaǵy áıel kóz jumdy

ASTANA. Almaty-Óskemen tasjolynyń 208 shaqyrymynda Toyota Camry jol boıyndaǵy metall qorshaýǵa soǵyldy. Oqıǵanyń saldarynan 1 adam mert boldy, dep habarlaıdy QazAqparat Polisia.kz saıtyna silteme jasap.

Polıtsııanyń aqparatyna qaraǵanda, sheteldik kóliktiń júrgizýshisi 40 jastaǵy áıel róldi basqara almaı qalǵan.

Oqıǵa ornynda 73 jastaǵy áıel kóz jumdy. Ár túrli jaraqattarymen kólik júrgizýshisi jaqyn mańdaǵy aýrýhanaǵa jatqyzyldy.

Jol apaty avtomobıldiń nashar tehnıkalyq jaǵdaıyna, ıaǵnı talaptarǵa saı kelmeıtin dóńgelektiń jarylyp ketýine baılanysty boldy dep boljanýda.

«Qurmetti júrgizýshiler, siz ózińiz úshin ǵana emes, jolaýshylardyń, sondaı-aq jol qozǵalysynyń basqa da qatysýshylarynyń ómiri men densaýlyǵy úshin jaýapty ekenińizdi umytpańyz»,-dep eskertý jasady polıtsııa.