Jetisý oblysynda jol apatynan 1 áıel men 2 bala qaıtys bolyp, 4 adam aýrýhanaǵa tústi
18:08, 03 Qyrkúıek 2022
NUR-SULTAN. QazAqparat – Jetisý oblysynda jantúrshigerlik jol apaty boldy, dep habarlaıdy QazAqparat Polisia.kz saıtyna silteme jasap.
3 qyrkúıek kúni Eskeldi aýdanynda Toyota Camry jáne Mitsubishi L200 avtokólikteri soqtyǵysty. Jol apatyna alty adam ushyrady, olardyń úsheýi qaıtys boldy.
Derek boıynsha «Almaty-Óskemen» avtojolynyń 295 shaqyrymynda Toyota Camry avtokóligin júrgizgen 40 jastaǵy er adam rýlge ıe bola almaı, qarsy jolaqqa shyǵyp, Mitsubishi L200 avtokóligimen soqtyǵysqan.
Oqıǵa ornynda jas áıel men 10 jasar bala kóz jumdy. Aýyr jaraqat alǵan taǵy tórt adam aýrýhanaǵa jetkizildi. Alaıda, onda 13 jasar qyz da kóz jumdy.
Atalǵan derek boıynsha QR QK-niń 345-baby 4-bóliginde kózdelgen qylmystyq is tirkeldi.