Jetisý oblysynda joǵalǵan oqýshy qyz óli kúıinde tabyldy

TALDYQORǴAN. QazAqparat – Jetisý oblysynda joǵalǵan 15 jastaǵy qyzdyń máıiti ózen arnasynan tabyldy, dep habarlaıdy QazAqparat Rolisia.kz-ke silteme jasap.

Panfılov aýdanynda sońǵy eki kúnde habar-osharsyz ketken jasóspirim qyzdyń máıiti Áýlıe aǵash aýylynan 2-3 shaqyrym jerde Buraqojyr ózeni arnasynan búgin, 6 maýsymda tabyldy. Denesinde zorlyq-zombylyq delgileri baıqalmaǵan.

«Polıtseıler qajetti saraptamalardy taǵaıyndap, óliminiń barlyq mán-jaıyn muqııat tekserip jatyr.

Oqýshy qyzdy izdeýge Panfılov aýdandyq polıtsııasynyń jeke quramy qatysty. Sondaı-aq izdestirý is-sharalaryna oblystyq departamenttiń qyzmetkerleri, áskerı qyzmetshiler, jergilikti turǵyndar, ákimdik qyzmetkerleri, mektep oqytýshylary men eriktiler (200-den astam adam) qosyldy. Іzdeýge jarııalanǵan jasóspirim qyz týraly aqparat jaqyn mańdaǵy polıtsııa bólimshelerine jiberildi, BAQ pen áleýmettik jelilerde ornalastyryldy.

Oblystyq polıtsııa marqumnyń týǵan-týystaryna qaıǵylaryna ortaqtasyp, kóńil aıtady», - delingen polıtsııa málimetinde.

Eske salaıyq, Jetisý oblysynda habar-osharsyz ketken 15 jastaǵy Erbosyn Aızere Qanatbaıqyzy izdestirilip jatqanyn buǵan deıin jazǵan bolatynbyz.