Jetisý oblysynda jeńil kólik aýdarylyp, júrgizýshi kóz jumdy
16:28, 31 Qazan 2022
TALDYQORǴAN. QazAqparat - Jetisý oblysynda jol apatynan bir adam qaza taýyp, eki adam jaraqat aldy, dep habarlaıdy Polisia.kz.
Jol-kólik oqıǵasy qazannyń 30-nan 31-ine qaraǵan túni Kalpe aýylynyń mańynda boldy.
Japondyq Mazda Cronos avtokóligin 31 jastaǵy er adam basqarǵan.
Mashına Telman – Kalpe avtojolynyń 8-shaqyrymynda aýdarylyp qalǵan.
Ókinishke qaraı, kólik júrgizýshisi oqıǵa ornynda kóz jumdy.
Jol apatynan onyń eki jolaýshysy zardap shekti, olar túrli jaraqatpen Úshtóbe qalasyndaǵy aýrýhanaǵa jatqyzyldy.
Derek boıynsha qajetti saraptamalar taǵaıyndaldy.
Tergeý QR QK 345-baby 3-bóligi boıynsha júrip jatyr.
Foto: polisia.kz