Jetisý oblysynda jedel járdem kóligi apatqa ushyrap, eki adam mert boldy

TALDYQORǴAN. QazAqparat - Jetisý oblysynda jedel járdem kóligi jol jıeginde turǵan júk kóligine soǵylyp, eki adam qaza tapty, dep habarlaıdy QazAqparat tilshisi.

Jetisý polıtsııasynyń málimetinshe, Aqsý aýdanynda jergilikti mańyzy bar «Kóltaban-Mataı» tas jolynda jedel járdem mashınasy men «Ýral» júk kóligi soqtysty. Jol apatynan eki adam qaza tapty.

«Jol-kólik oqıǵasyna jedel járdem mashınasynyń 57 jastaǵy júrgizýshisi kináli ekendigi aldyn ala anyqtaldy, ol rýlge ıe bola almaı qalyp, jol jıeginde turǵan júk kóligimen soqtyǵysqan. Apat saldarynan jedel-járdem mashınasynyń júrgizýshisi men 54 jastaǵy jergilikti feldsher oqıǵa ornynda qaıtys boldy.

Atalǵan fakti boıynsha qajetti saraptamalar taǵaıyndalyp, sotqa deıingi tergeý amaldary bastaldy»,- dep habarlady polıtsııadan.