Jetisý oblysynda úıiniń aýlasynda esirtki ósirgender ustaldy
Atalǵan faktiler Taldyqorǵan jáne Jarkent qalalarynda tirkeldi. Polıtsııa qyzmetkerleri «Qarasora» profılaktıkalyq is-sharasy aıasynda eki jeke turǵyn úıdi anyqtady. Olardyń ıeleri marıhýana ósirdi degen kúdikke ilindi.
Atap aıtqanda, Jarkent qalasynda 46 jastaǵy jergilikti turǵyn ustaldy, onyń aýlasynda 19 qarasora butasy tabyldy. Sonymen qatar Taldyqorǵanda jeke úılerdiń birinde polıtseıler 38 jastaǵy er adam marıhýananyń 80 butasyn kútip-baptaǵan plantatsııany anyqtady.
Málimetter bazasyn tekserý kezinde eki kúdiktiniń de buryn esirtki qylmysy úshin jaýapqa tartylǵany belgili boldy.
«Qazir eki fakti boıynsha QR Qylmystyq kodeksiniń 300-babynda (Quramynda esirtki zattary bar, ósirýge tyıym salynǵan ósimdikterdi zańsyz egip-ósirý) kózdelgen sotqa deıingi tergeý amaldary bastaldy. Eki kúdiktige qatysty «eshqaıda ketpeý» bultartpaý sharasy tańdaldy», – dedi Jetisý oblysy Polıtsııa departamenti Esirtki qylmysyna qarsy is-qımyl basqarmasynan.