Jetisý oblysynda taýda tutanǵan órt Qytaı shekarasyna jetti

ALMATY. QazAqparat- Jetisý oblysy tótenshe jaǵdaılar departamenti Alakól aýdanynyń taýly aımaǵyndaǵy órt jaıly jańa derektermen bólisti, dep habarlaıdy QazAqparat tilshisi.

Departament ókilderiniń málimetinshe, órt aýdany 500 gektarǵa jetken. Ony sóndirýge 187 adam men eki tikushaq tartyldy.

«Saǵat 15:00-de Abaı oblysynan qosymsha MI-8 ushaǵy shyqty. Jeldiń jyldamdyǵy 28-30 m/s, biraq jeldiń baǵyty shyǵystan batysqa qaraı Úsharal-Dostyq tas jolyna qaraı ózgerdi. Shekaradan qashyqtyǵy 10 shaqyrym. Qurbandar men zardap shekkender joq. Sondaı-aq eldi mekenderge qaýip tónip turǵan joq. Jaǵdaı baqylaýda. Barlyǵy eki MI-8 tikushaǵy, 17 tehnıka jáne 183 jeke quram jumyldyryldy», - dep habarlady oblystyq TJD baspasóz qyzmetinen.

Vedomstvodaǵylar órt kórshi Qytaı shekarasyna jetken. Tótenshe jaǵdaılar mınıstrligi men Shekara qyzmeti kórshi memleketke órttiń solarǵa qaraı taralýy múmkin ekenin eskertken.

«Qyzyl jalyn kórshi memlekettiń kúshimen sóndirildi. Oqıǵa ornynda shtab jumys istep jatyr», - dep tolyqtyrdy departamentten.

Buǵan deıin Jetisý oblysy Alakól aýdanyndaǵy Dostyq stantsııasy mańynda qurǵaq shóp pen butalar órtenip jatqany týraly habarlaǵan bolatynbyz.