Jetisý oblysynda syrtqy jarnama úshin negizsiz salyq eseptelgen - Antıkor
12:48, 01 Aqpan 2023
TALDYQORǴAN. QazAqparat - Antıkor Jetisý oblysynda syrtqy jarnama úshin negizsiz salyq eseptelgenin anyqtady, dep habarlaıdy QazAqparat.
Óńirde syrtqy jarnama týraly zańnamany qoldanýdyń sybaılas jemqorlyqqa qarsy monıtorınginiń nátıjeleri boıynsha 125 kásipkerge syrtqy jarnama úshin salyqtardy zańsyz esepteý anyqtaldy.
«Sonymen qatar, máseleni zerdeleý barysynda osy salyqtardy tólemegeni úshin oblystyń memlekettik kiris organdary jyljymaly jáne jyljymaıtyn múlikke zańsyz tyıym salǵany, sondaı-aq kásipkerlerdiń banktik shottaryn buǵattaǵany belgili boldy», - dep jazdy Sybaılas jemqorlyqqa qarsy kúres agenttiginen.
Jetisý oblysy boıynsha Antıkormen keshendi is-sharalar ótkizilgennen keıin Memlekettik kirister basqarmasy jarnama úshin buryn eseptelgen salyqtardyń kúshin joıyp, kásipkerlerdiń múlkine barlyq tyıym salýdy alyp tastady.