Jetisý oblysynda Sony Play Station almaq bolǵan ákimdikti prokýratýra toqtatty

TALDYQORǴAN. QazAqparat - Jetisý oblysyndaǵy Tekeli qalasynyń ákimdigi balalarǵa oıyn aparatyn alyp beremiz dep, bastary daýǵa qaldy. Olar memlekettik satyp alý boıynsha 600 myń teńgege Sony Play Station 5 oıyn quralyna tender jarııalaǵan, - dep habarlaıdy QazAqparat tilshisi.

Bul qurylǵyny Tekeli qalalyq mádenıet úıinde ashylyp jatqan balalar bólmesine ornatýdy josparlaǵan. Biraq bul satyp alý sharasy áleýmettik jelige jarııalanyp, halyqtyń narazylyǵyn týdyrdy. ıAǵnı, kópshilik balalardyń onsyz da uıaly telefonda kóp otyratynyn, densaýlyqtaryna keri áserin tıgizip jatqanyn, al ákimdik alyp bermek bolyp otyrǵan oıyn quraly atys-shabysqa toly ekenin jazdy. Osy jaıttan keıin prokýratýranyń ózi iske aralysyp, sheneýnikterdiń áreketin zańsyz dep tanyp, oıyn quralyn satyp alýǵa jol bermedi. Al Tekeli qalasynyń ákimdigi, bar maqsatymyz balalarǵa jaılylyq, az qamtylǵan otbasy balalaryn zamanaýı qurylǵymen oınaýǵa múmkindik jasaý boldy dep túsindirdi. Sonymen qatar, Sony Play Stationmen balalar tegin oınaıtyn edi dep aqtaldy.

«Tekeli qalasynyń prokýratýrasy Mádenıet úıi oıyn konsýlyn satyp alý kezinde memlekettik satyp alý týraly zań talaptarynyń buzylǵandyǵyn anyqtady. Zańnyń 21 babynyń 3 tarmaǵyna sáıkes, konkýrstyq qujattamada áleýmettik ónim berýshilerdiń sanyn shekteýge ákep soǵatyn, onyń ishinde taýar belgilerine fırmalyq ataýlarǵa arnalǵan nusqaýlardyń mazmunyna qatysty memlekettik satyp alý sharttaryn belgileýge tyıym salynady»,- dedi Jetisý oblysy prokýratýrasy baspasóz qyzmetiniń hatshysy Láılim Ábilmajınova.