Jetisý oblysynda sheneýnik ár júk kóliginen 50 myń teńgeden alyp otyrǵan

TALDYQORǴAN. QazAqparat - Jetisý oblysy boıynsha Sybaılas jemqorlyqqa qarsy qyzmet Ulttyq qaýipsizdik komıtetiniń oblystyq departamentimen birlesip, Jetisý oblysy Kóliktik baqylaý ınspektsııasy basshysynyń orynbasarynyń zańsyz qyzmetiniń jolyn kesti, dep habarlaıdy QazAqparat.

Antıkordyń málimetinshe, ol óziniń senimdi adamynyń deldaldyǵymen oblys aýmaǵynda júk kóliginiń kedergisiz júrip-turýy úshin kásipkerlerden júıeli negizde para aldy dep kúdiktelýde. Aı saıynǵy syıaqy somasy 1 avtokólik úshin 50 000 teńgeni qurady.

«Sottyń sanktsııasymen kúdikti qamaýǵa alyndy.

Sotqa deıingi tergeý jalǵasýda.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy», - dep jazdy vedomstvodan.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.