Jetisý oblysynda sharýa qojalyǵynyń ıesinen úsh qarý tabyldy

TALDYQORǴAN.QazAqparat. - Jetisý oblysynda buryn sottalǵan adamnan eki myltyq pen vıntovka tárkilendi, - dep habarlaıdy QazAqparat tilshisi.

Bul fakt Aqsý aýdanynda tirkeldi. Onda jergilikti polıtseıler «Quqyqtyq tártip» profılaktıkalyq is-sharasynyń barysynda shalǵaıdaǵy sharýa qojalyǵyn tekserdi. 48 jastaǵy ıesinen zańsyz saqtalǵan úsh qarý tabylyp, tárkilendi.

«Er adam buryn qylmystyq jaýapqa tartylǵan. Onyń sharýa qojalyǵynyń aýmaǵyndaǵy turǵyn úı qurylystarynyń birinen 5,6 mm kalıbrli TOZ vıntovkasy, sondaı-aq 20 jáne 12 kalıbrli, bir qosaýyz myltyq jáne ekinshisi bir uńǵyly myltyq tabyldy. Qarý tárkilenip, ballıstıkalyq saraptama taǵaıyndaldy», - dedi Aqsý aýdanynyń polıtsııa bóliminiń bastyǵy Ernar Shırbaev.

Atalǵan fakti boıynsha tergeý amaldary QR QK-niń 287-babyna sáıkes (Qarýdy zańsyz ıemdený, berý, ótkizý, saqtaý, tasymaldaý nemese alyp júrý) júrgiziledi.