Jetisý oblysynda rýlge otyrǵan oqýshy sábıdi mert qyldy
Qaıǵyly oqıǵa 23 sáýir kúni keshke Sarqan qalasynyń kósheleriniń birinde boldy. 4 jasar balany «Honda Odısseı» avtokóligi qaǵyp ketti. Búldirshin aýdandyq aýrýhanada qaza boldy.
Belgili bolǵandaı, kólikti 15 jastaǵy oqýshy basqarǵan. Sarqan aýdanynyń polıtsııasy atalǵan fakti boıynsha qajetti saraptamalardy taǵaıyndaı otyryp, QR Qylmystyq kodeksiniń 345-baby 3-bóligi boıynsha (Abaısyzda adam ólimine ákep soqqan kólik quralyn basqarǵan adamnyń jol júrisi nemese kólik quraldaryn paıdalaný qaǵıdalaryn buzýy) sotqa deıingi tergep-tekserý júrgizip jatyr. Kólik arnaıy turaqqa qoıyldy. Polıtsııa kólikti basqarýdy kámeletke tolmaǵandarǵa berýge qatań tyıym salynǵanyn eske salady. Bul talaptardy oryndamaý ólim men jaraqat túrindegi qaıǵyly jaǵdaıǵa, sondaı-aq qoldanystaǵy zańnamaǵa sáıkes aýyr jazaǵa ákelýi múmkin.