Jetisý oblysynda respýblıkalyq mańyzy bar tasjol jabyldy

ALMATY. QazAqparat- Jol jóndeý jumystaryna baılanysty «Saryózek – Kóktal» respýblıkalyq mańyzy bar avtojol ýchaskesi barlyq kólikter úshin jabyldy, dep habarlaıdy QazAqparat tilshisi.

«20 maýsym saǵat 11:30-dan bastap jarylys jumystaryna baılanysty «Saryózek – Kóktal» respýblıkalyq mańyzy bar avtojol ýchaskesinde (45-86 shaqyrym) avtokóliktiń barlyq túrleri úshin qozǵalys jabyq»,- dep habarlady oblystyq Tótenshe jaǵdaılar departamentinen.

Osyǵan baılanysty Almaty oblystyq Tótenshe jaǵdaılar departamenti kólik júrgizýshilerinen atalǵan baǵytta jol júrýden bas tartýdy jáne óz baǵytyn aldyn ala túzetýdi, sondaı-aq 112 qyzmeti beretin SMS habarlamalardy nazardan tys qaldyrmaýdy suraıdy.

Aýa raıyna baılanysty eskertýler men ózge de shuǵyl aqparat alý úshin «Dármen» tegin mobıldi qosymshasyn júktep alýǵa bolady.