Jetisý oblysynda ortasha jalaqy 250 myń teńgeden asty

TALDYQORǴAN. QazAqparat - 2022 jyldyń tórtinshi toqsanynyń qorytyndysy boıynsha Jetisý óńirinde ortasha jalaqy 250 593 teńgeni qurady. Bul týraly Óńirlik kommýnıkatsııalar qyzmetinde ótken brıfıngte oblystyq statıstıka departamentiniń basshysy Marat Bókenov málim etti, dep habarlaıdy QazAqparat tilshisi.

Spıkerdiń sózinshe, 2023 jyldyń 1 qańtarynan bastap eń tómengi jalaqy 70 000 teńge. Bul rette qyzmet kórsetý salasynyń ókilderi, ádette, oblys boıynsha jáne Qazaqstan Respýblıkasy boıynsha ortasha deńgeıden aıtarlyqtaı tómen jalaqy alady.

«Halyqtyń aqshalaı kirisi 100 paıyzdy quraıdy. Onyń ishinde jumystan túsken tabys – 69,1%. Jaldamaly jumystan túsken tabys 57,8 paıyz. Byltyr óńir turǵyndarynyń jalaqysy 250 myń teńgeden», – deıdi Marat Bókenov.

Buǵan deıin Qazaqstanda eń joǵary jalaqy 1,7 mln teńgeni qaı salada tóleıtini týraly jazǵan bolatynbyz.