Jetisý oblysynda mototsıkl qaqqan 11 jasar qyz bala mert boldy

TALDYQORǴAN. QazAqparat - Jetisý oblysynda balany mototsıkl júrgizýshisi qaǵyp, mert qyldy, dep habarlaıdy QazAqparat tilshisi.

Qaıǵyly oqıǵa 14 maýsymda Eskeldi aýdanynda boldy.

Eshkiólmes aýylynda 11 jasfh qyz balany sporttyq mototsıkl qaǵyp ketti.

Jaraqatpen aýrýhanaǵa túsken jábirlenýshi aýdandyq aýrýhananyń jansaqtaý bóliminde esin jımaı kóz jumdy.

«Jol-kólik oqıǵasynan 38 jastaǵy mototsıkl júrgizýshisiniń ózi de qatty zardap shekti. Bul fakti boıynsha sotqa deıingi tergeý amaldary bastaldy jáne erekshe baqylaýǵa alyndy»,- delingen Jetisý oblystyq polıtsııa departamenti baspasóz qyzmetiniń habarlamasynda.

Sonymen qatar, polıtseıler osyndaı qaıǵyly oqıǵalardyń aldyn alý úshin azamattardy jol erejesin múltiksiz saqtaýǵa shaqyrady.

Avtokólikti/mototsıkldi basqarý kezinde muqııat jáne saq bolýdy eske salady.